ಮನಾಮ , ಬಹರೈನ್ : ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಸ್ಥಳೀಯ ಬಹರೈನ್ ಕನ್ನಡ ಸಂಘವು ದ್ವೀಪದ ಕನ್ನಡಿಗರಿಗೆ "ವಸಂತೋತ್ಸವ- 2012 " ಎಂಬ ನೃತ್ಯ, ಹಾಸ್ಯ ಸಿಂಚನದ ವೈವಿಧ್ಯ ಮಯ ಕಾರ್ಯಕ್ರಮವನ್ನು  ಉಣ ಬಡಿಸಲು ಸಂಪೂರ್ಣ ಸಜ್ಜಾಗುತ್ತಿದೆ.

 ಇದೇ ತಾ. 18 -05 - 2012 ನೇ ಶುಕ್ರವಾರ ಸಂಜೆ 6 ರಿಂದ ಸ್ಥಳೀಯ ಬಹರೈನ್ ಮ್ಯೂಸಿಯಂನ ಸನಿಹದ "ಸಾಂಸ್ಕೃತಿಕ ಸಭಾಂಗಣ "ದಲ್ಲಿ  ನಡೆಯುವ ಈ ಅದ್ದೂರಿ ಕಾರ್ಯಕ್ರಮದ ಜೊತೆಗೆ, ಶ್ರೀ ರಾಜ್ ಕುಮಾರ್ ಅಧ್ಯಕ್ಷತೆಯ ಕನ್ನಡ   ಸಂಘದ ನೂತನ  ಆಡಳಿತ ಸಮಿತಿಯ "ಪದ ಗ್ರಹಣ " ಸಮಾರಂಭವೂ ಜರಗಲಿದೆ.

ಈ ವಿಶೇಷ ದಿನದ ಮುಖ್ಯ ಅತಿಥಿಗಳಾಗಿ ತಾಯ್ನಾಡಿನಿಂದ  ಶ್ರೀ ಕ್ಷೇತ್ರ ಹೊರನಾಡು ಅನ್ನಪೂರ್ಣೆಶ್ವರಿ ದೇವಸ್ಥಾನದ ಧರ್ಮಕರ್ತರಾದ ಶ್ರೀ ಭೀಮೇಶ್ವರ ಜೋಷಿ ಯವರು ಈ ದ್ವೀಪ ರಾಷ್ಟ್ರಕ್ಕೆ  ಆಗಮಿಸಲಿದ್ದು, ನೂತನ ಸಮಿತಿ   ಹಾಗೂ ಸಮಸ್ತ ಕನ್ನಡಿಗರಿಗೆ  ಶುಭಾಶೀರ್ವಚನ ಗೈಯಲಿದ್ದಾರೆ.

ಈ  ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ದೇಶ ವಿದೇಶಗಳಲ್ಲಿ ಖ್ಯಾತರಾದ ಬೆಂಗಳೂರಿನ ಮಹಾಮಾಯಾ ನಾಟ್ಯ ಕಲಾ ಶಾಲೆಯ ನಿರ್ದೇಶಕರಾದ  ಶ್ರೀ ಸೂರ್ಯ ಯನ್. ರಾವ್ ಹಾಗೂ ಶ್ರೀಮತಿ ಪ್ರಥಮಾ ಪ್ರಸಾದ್ ರಾವ್  ಇವರು ಅಮೋಘ ಭರತ ನಾಟ್ಯ , ಕಥಕ್,ಕೂಚಿಪುಡಿ  ನೃತ್ಯ ಗಳ ಪ್ರದರ್ಶನ ನೀಡಲಿದ್ದಾರೆ. ಅಲ್ಲದೆ ಕರ್ನಾಟಕದ ಹೆಸರಾಂತ  ಹಾಸ್ಯ ಪಟು  ಶ್ರೀ  ರಮೇಶ್ ಬಾಬು, ಬಹರೈನ್ ಕನ್ನಡಿಗರನ್ನು ಹಾಸ್ಯ ಲೋಕಕ್ಕೆ ಕೊಂಡೊಯ್ಯಲಿದ್ದಾರೆ. ಮಾತ್ರವಲ್ಲದೆ ಸಂಘದ ಪ್ರತಿಭಾವಂತ ಕಲಾವಿದರ  ವಿವಿಧ ಮನರಂಜನಾ ಕಾರ್ಯಕ್ರಮ ದೊಂದಿಗೆ ವಸಂತೋತ್ಸವ -2012   ವರ್ಣ ರಂಜಿತವಾಗಿ  ಅನಾವರಣಗೊಳ್ಳಲಿದೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಕನ್ನಡ ಸಂಘ ಬಹರೈನ್ ವರದಿಗಾರರು : ”ಆಶ್ವಿನಿ’ ಪ್ರಕಟಿಸಿದ ದಿನಾಂಕ : 2012-05-10